ឯកសារអនុសាសន៍ស្តីពីនិរន្តរភាព ក្រោមប្រធានបទ “ការទប់ស្កាត់អំពើហឹង្សាទាក់ទងនឹងយេនឌ័រ និងការបៀតបៀន នៅកន្លែងធ្វើការ” ថ្លែងពីបញ្ហាសំខាន់ៗនៃអំពើហឹង្សា និងការបៀតបៀនទាក់ទងនឹងយេនឌ័រ នៅក្នុងឧស្សាហកម្មវាយនភណ្ឌ និងកាត់ដេរនៅកម្ពុជា។ ឯកសារនេះ ផ្តល់នូវយុទ្ធសាស្រ្តទូលំទូលាយ និងការណែនាំជាអនុសាសន៍សម្រាប់ភាគីពាក់ព័ន្ធផ្សេងៗ រួមទាំងរាជរដ្ឋាភិបាល រោងចក្រ អ្នកបញ្ជារទិញ អង្គការសង្គមស៊ីវិល និងដៃគូអភិវឌ្ឍន៍នានា ដើម្បីប្រយុទ្ធប្រឆាំងនឹងអំពើហឹង្សាទាក់ទងនឹងយេនឌ័រ និងការបៀតបៀនប្រកបដោយប្រសិទ្ធភាព។
តាមរយៈកិច្ចពិភាក្សាពហុភាគីពាក់ព័ន្ធ ចន្លោះខ្វះខាតសំខាន់ៗមួយចំនួនត្រូវបានរកឃើញ ដែលពាក់ព័ន្ធទៅនឹងការយល់ដឹង ការរាយការណ៍ និងយន្តការទប់ស្កាត់ និងការឆ្លើយតបទៅនឹងអំពើហឹង្សាទាក់ទងនឹងយេនឌ័រ និងការបៀតបៀន។