មជ្ឈមណ្ឌលធុរកិច្ចប្រកបដោយការទទួលខុសត្រូវ គឺជាសេវាផ្ដល់ជំនួយសម្រាប់បណ្តាអាជីវកម្មក្នុងស្រុកតាមរយៈការផ្តល់ព័ត៌មានស្របតាមសេចក្តីត្រូវការដោយឥតគិតថ្លៃ និងការផ្តល់សេវាប្រឹក្សាជុំវិញបញ្ហានិរន្តភាព និងការគ្រប់គ្រងហានិភ័យទំនាក់ទំនងអតិថិជន ដែលមានទំនាក់ទំនងយ៉ាងជិតស្និទ្ធទៅនឹងគម្លាតរវាងតួអង្គជាតិ និងអន្តរជាតិនៅក្នុងខ្សែច្រវាក់ផ្គត់ផ្គង់សកលរបស់តួអង្គនាំចេញផលិតផលនៅប្រទេសកម្ពុជា។
នៅក្នុងសម័យក្រោយជំងឺកូវីដ-១៩ សេដ្ឋកិច្ចប្រទេសកម្ពុជាកំពុងតែស្ថិតនៅលើមាគ៌ាឆ្ពោះទៅរកការងើបឡើងវិញក្នុងគោលបំណងធ្វើឲ្យកំណើនសេដ្ឋកិច្ចមាននិរន្តភាពឡើងវិញ និងចាប់យកឱកាសថ្មីៗដែលកំពុងលេចឡើង។ ឧស្សាហកម្មនាំចេញនៅកម្ពុជាជាវិស័យដែលទទួលរងផលប៉ះពាល់ច្រើនជាងគេ ពោលគឺវិស័យវាយនភណ្ឌ និងកាត់ដេរ ក្នុងចំណោមវិស័យដទៃទៀតដែលប្រឈមផ្ទាល់ជាមួយនឹងតម្រូវការនិរន្តភាពដើម្បីរក្សាភាពប្រកួតប្រជែងក្នុង “ការវិលមករកស្ថានភាពធម្មតាសារជាថ្មី”។ អាស្រ័យហេតុនេះទើបនាំឲ្យមានភាពចាំបាច់ក្នុងការកាត់បន្ថយផលប៉ះពាល់អវិជ្ជមានទៅលើសង្គម និងបរិស្ថាននៅក្នុងផលិតកម្ម។
សភាពាណិជ្ជកម្មអ៊ឺរ៉ុបបានបង្កើតមជ្ឍមណ្ឌលធុរកិច្ចប្រកបដោយការទទួលខុសត្រូវដំបូងគេបង្អស់នៅកម្ពុជាក្រោមការគាំទ្រពីអង្គការ ជី អាយ ហ្សិត ដែលចាត់តាំងដោយក្រសួងសហព័ន្ធអាល្លឺម៉ង់សម្រាប់កិច្ចសហប្រតិបត្តិការ និងអភិវឌ្ឍសេដ្ឋកិច្ច (BMZ) និងកិច្ចសហការជាមួយសមាគមទំវាយនភណ្ឌ, សំលៀកបំពាក់, ស្បែកជើង និងសម្ភារៈធ្វើដំណើរនៅកម្ពុជា (TAFTAC)។
