សេចក្តីសង្ខេប
ច្បាប់ស្តីពីកាតព្វកិច្ចត្រួតពិនិត្យភាពត្រឹមត្រូវ (due diligence) ក្នុងខ្សែចង្វាក់ផ្គត់ផ្គង់តម្រូវឲ្យសហគ្រាសដែលមានទំហំជាក់លាក់ (ចាប់ពីឆ្នាំ២០២៣ ដែលមានបុគ្គលិកយ៉ាងតិច ៣,០០០ នាក់ នៅក្នុងប្រទេសអាឡឺម៉ង់ ពីឆ្នាំ២០២៤ ដែលមានបុគ្គលិកយ៉ាងតិច ១,០០០ នាក់ នៅក្នុងប្រទេសអាឡឺម៉ង់) គោរពកាតព្វកិច្ចត្រួតពិនិត្យភាពត្រឹមត្រូវផ្នែកសិទ្ធិមនុស្ស និងបរិស្ថានមួយចំនួន (សហគ្រាសជាប់កាតព្វកិច្ច)។ ជាងនេះទៅទៀត ច្បាប់នេះមានប្រសិទ្ធភាពទៅលើសហគ្រាសក្រៅពីវិសាលភាព ដែលមានទំនាក់ទំនងជាមួយអ្នកផ្គត់ផ្គង់ដោយផ្ទាល់ ឬដោយប្រយោល ព្រោះច្បាប់ស្តីពីការត្រួតពិនិត្យភាពត្រឹមត្រូវក្នុងខ្សែចង្វាក់ផ្គត់ផ្គង់តម្រូវឲ្យសហគ្រាសជាប់កាតព្វកិច្ចសហការជាមួយអ្នកផ្គត់ផ្គង់របស់ខ្លួន ដើម្បីបំពេញកាតព្វកិច្ចត្រួតពិនិត្យភាពត្រឹមត្រូវ ទោះបីជាអ្នកផ្គត់ផ្គង់ទាំងនេះមិនមានកាតព្វកិច្ចផ្ទាល់ខ្លួន យោងទៅតាមច្បាប់ស្តីពីការត្រួតពិនិត្យភាពត្រឹមត្រូវក្នុងខ្សែចង្វាក់ផ្គត់ផ្គង់ក៏ដោយ។ នៅក្នុងបរិបទនេះ ពេលខ្លះ សហគ្រាសជាប់កាតព្វកិច្ចបង្កើតតម្រូវការដែលធំទូលាយ (ខ្លាំងពេក) ចំពោះអ្នកផ្គត់ផ្គង់របស់ខ្លួន។ ឯកសារនេះបង្ហាញអំពីលទ្ធភាព និងព្រំដែនដែលច្បាប់ត្រួតពិនិត្យភាពត្រឹមត្រូវបានកំណត់ទៅលើតម្រូវការទាំងនេះ។ ម្យ៉ាងវិញទៀត វាមាននូវការណែនាំសម្រាប់កិច្ចសហប្រតិបត្តិការក្នុងគោលដៅស្ថាបនា។
អ្នកអាចទាញយកឯកសារបកប្រែជាផ្លូវការនៅខាងក្រោម៖